punct dubel

Las prelecziuns punct dubel èn ina collavuraziun tranter la Chasa Editura Rumantscha e l’Uniun per la Litteratura Rumantscha.

L’intenziun da la retscha da prelecziuns punct dubel è da far vegnir ensemen dus scribents, vul dir In scribent ed ina scriventa, da duas differentas regiuns per ina saira da discussiuns e da prelecziuns.

L’occurrenza “punct dubel” duess uschia dar il pled a dus auturs, sche pussaivel da dus differents idioms, che prelegian da lur ovras, per part era da quellas aunc en truclet e betg publitgadas.

L’entrada è libra e mintga interessent è bainvegnì.

Grazia fitg

Grazia fitg a Stina Hendry e Beni Vigne per l’ultim punct dubel!

L’autura giuvna Stina Hendry ed il chantautur e scrivent Beni Vigne han prelegì communablamain en Chasa Rumantscha a Cuira.

I era ina saira patgifica en atmosphera familiara cun interessants discurs ed interessants texts.

A bainbod!

Sut il titel ‘punct dubel’ s’inscuntran duAs scriventAs rumantschAs e preschentan texts; texts publitgads, texts novs e per part texts or dal truclet. Vitiers discurran els da lur lavur da scriver, da la lingua e da lur vita.
Questa giada pudain nus entupar a moda simpatica Stina Hendry e Beni Vigne.

 

punct dubel 28.10.2016

Il davos punct dubel ils 28 d’october 2016 cun Göri Klainguti e Tresa Rüthers-Seeli era in grond success.

Suenter ina prelecziun dals dus auturs ha Benedetto Vigne moderà ina fitg interessanta discussiun cun blers inputs dal publicum.

Grazia a Benedetto Vigne per la moderaziun, a Ivo Bärtsch dal Zuoz Globe per il local cun grondiusa atmosphera, a la Chasa Editura Rumantscha per il apero ed als visiturs per il vegnir!

punct dubels gia stads

Venderdi, ils 28 d’october 2016: Göri Klainguti e Tresa Rüthers-Seeli han prelegiì da las 18.30 a Zuoz en il Zuoz Globe. Moderaziun: Benedetto Vigne

Mesemna, ils 30 da settember 2015: Chatrina Josty ed Arnold Spescha han prelegì las 18.30 a Cuira en Chasa Rumantscha. Moderaziun: Silvana Derungs.

Mardi, ils 30 da settember 2014: Leo Tuor ed Attilio Bivetti han prelegì las 19.30 a Laax en la Casa de Mont. Moderaziun: Anita Capaul.

Sonda, ils 5 d’avrigl 2014: Dominique Dosch e Dumenic Andry han prelegì da las 17.00 a Sent en la Grotta da cultura Piertan. Moderaziun: Benedetto Vigne.

Gievgia, ils 25 da fanadur 2013: Ursina Guldemond-Netzer e Rut Plouda a las 20.00 h en il Center da cultura Sontga Crousch a Riom.Moderaziun: Anita Capaul

Venderdi, ils 31 d’avust 2012: Claudia Cadruvi Linard Candreia han prelegì da las 20.00-21.00 en la Biblioteca da Trun (chasa da scola). Moderaziun: Silvana Derungs

Sonda, ils 21 d’avrgil 2012: Iso Camartin en discurs cun Esther Krättli. En la Chasa Rumantscha a Cuira.

Mesemna, ils 25 da schaner 2012: Jacques Guidon e Leontina Lergier-Caviezel han prelegì en il Chesin Manella a Schlarigna. Moderaziun: Silvana Derungs.