Radunanza generala 2018

La radunanza generala da la ULR ha lieu ils 28 d’avrigl 2018 da las 10.15 en Chasa Rumantscha a Cuira (Via da la Plessur 7).

Il rapport annual dal onn passà chatt’ins qua:

rg2017_protocol

Suentermezdi datti in referat da la scientista da cultura e litteratura Elisabeth Bronfen. L’entrada e libra, ed era betg-commembers èn bainvegni.

Na a no Billag – las minoritads a Turitg!

Na a no Billag! Era la Uniun da la Litteratura Rumantscha era da la partida al super eveniment dals rumantschs en il HB a Turitg! Grazia fitg a tuts participants e tuttas participantas!

Fotografias chatt’ins qua.

Dapli infurmaziuns qua.

Intervista cun Viola Pfeiffer, presidenta da la ULR, tar l’impurtanza da RTR per la litteratura rumantscha qua.

Il artitgel da La Quotidiana tar il eveniment: 2018-02-02_La_Quotidiana_pagina_3

Clom da l’ULR per in votum encunter No-Billag

Charas auturas rumantschas, chars auturs rumantschs
L’ULR As supplitgescha dad exprimer in votum cunter l’iniziativa No-Billag avant Vossas proximas prelecziuns publicas en il Grischun ed en la Bassa tochen ils 4 da mars.

 

Ils 4 da mars 2018 votescha il pievel svizzer sur da l’iniziativa No-Billag. L’iniziativa vul abolir las taxas da radio e televisiun sin il nivel constituziunal. I fiss scumandà a la Confederaziun da sustegnair finanzialmain medias publicas en Svizra. Quai munta il medem mument l’aboliziun da la finanziaziun publica dals emetturs da la SRG SSR e dals emetturs locals e regiunals privats.

Sche l’iniziativa vegn approvada, avess quai consequenzas radicalas per SRF, RTR, RTS ed RSI. D’in di a l’auter vegnissan las glischs stizzadas tar ellas.

Las consequenzas vegnissan surtut a pertutgar la Rumantschia, la quala perdess cun RTR ina plattafurma essenziala per la la preschientscha, la derasaziun ed il mantegniment da la lingua e cultura rumantscha. La diffusiun e la promoziun da musica e litteratura indigena giess a perder, sco era ina purschida mediala independenta che permetta da furmar l’atgna opiniun cun agid da l’atgna lingua. Senza sustegn public è in program da radio u televisiun per rumantsch istorgia.

Er blers emetturs regiunals tudestgs, sco p.ex. Radio e TV Südostschweiz, disparissan. Il privel fiss grond che radio e televisiun en Svizra vegnissan en il futur be pli manadas e dominadas da firmas u persunas finanzialmain potentas, interessadas be pli ad emissiuns rentablas e politicamain tendenziusas.

In extremis munta l’iniziativa No-Billag la frida mortala per la lingua e cultura Rumantscha!

Per quests motivs as engaschain nus per in NA encunter questa iniziativa destructiva.

Cordials salids

La suprastanza

ULR Uniun per la Litteratura Rumantscha

Nossa nova pagina d’internet

Suenter onns ed onns cun nossa pagina d’internet en furma da cudesch e optica da retro eri davaira temp per insatge nov.

Uschia essan nus da la ULR sesi ensemen ed avain creà questa nova pagina per vus, ils interessads da la litteratura rumantscha.

Na, spass – natiralmain n’avainsa betg creà sez questa pagina, nus avain engaschà in profi per questa chaussa. Dentant era l’intenziun propi da furnir a vus ina divertenta e simpla pagina nua ch’ins resta era gugent in temps per s’infurmar sur da las pli novas novas or dal mund litterar rumantsch.

En quai senn giavischain nus bun divertiment! Bumperfatscha!

Las minoritads a Turitg – Na tar No Billag!

Il rumantsch ed il talian a Turitg per in NA a No Billag

Igl arda. Die No-Billag-Initiative ist brandgefährlich. La discussiun politica ha piglià fieu.

La Lia Rumantscha, la Pro Grigioni Italiano ed ulteriuras organisaziuns da lingua rumantschas èn preschentas a Turitg en la staziun principala per far attent sin las consequenzas che l’approvaziun da quest’iniziativa avess per las linguas minoritaras.

Die Lia Rumantscha, die Pro Grigioni Italiano und weitere Organisationen der rätoromanischen Sprache sind Bahnhofshalle Zürich anwesend, um auf die Folgen einer Annahme der No-Billag-Initiative für die Sprachminderheiten aufmerksam zu machen.

Wir fahren mit einem Feuerwehrauto vor. Bündner Künstlerinnen und Künstler singen gegen die zerstörerische Initiative an. Es treten auf: Corin Curschellas, Pascal Gamboni, Bibi Vaplan, Tartaruga, Chiara, Mario Pacchioli, Paulin Nuotclà, Leander & Asa, Sophie Louise, Marco Todisco.

Kommt, twittert und teilt mit uns ein starkes Nein zu No Billag!

Lia Rumantscha – Giuventetgna Rumantscha – Pro Svizra Rumantscha – Quarta Lingua – Uniun da las Rumantschas e dals Rumantschs en la Bassa – Uniun per la Litteratura Rumantscha – Pro Grigioni Italiano

Atelier da scriver: Ditgas – ier, hoz e damaun

Per tgi che vuless avair in bun pretext per scriver ditgas:

ier, hoz e damaun: atelier da scriver da l’ULR

sonda e dumengia ils 19-20 da matg 2018

en Casa d’Angel (Lumnezia)

referats tranter auter da Leo Tuor dus ateliers:

  • ditga tar text
  • fotografia tar textinscripziuns tochen ils 31 da mars

    Dapli infurmaziuns suondan en curt.

Radunanza generala 2018

La radunanza generala da la ULR 2018 ha lieu ils 28-4-2018 en la Chasa Rumantscha a Cuira.

Da las 10.15 cummenza la radunanza.

Suentermezdi da las 14.00 datti in referat dad Elisabeth Bronfen, scienziada da litteratura e cultura.

L’entrada al referat e libra e avert per tuts. I dat in apero a la fin.