Revista dals Dis da litteratura 2022

Ils dis da litteratura 2022 èn historia. A Domat en la sala Tircal è stà notg.  Preschentaziuns, prelecziuns, discussiuns e performanzas litteraras èn sa deditgadas al tema ed han carmalà var 350 visita:dras a Domat.

Il comité dals Dis da litteratura mira anavos sin trais dis variants, captivants ed inspirants. In dals puncts culminants è franc stà il Premi Term Bel cun ils texts da  Flurina Badel, Viola Cadruvi, Janic Maskos, Sidonia Pazeller e Natalia Salzgeber. Il text «Be calm» da Flurina Badel ha persvadì la giuria sco era il public.

L’ULR ed il comité dals Dis da litteratura sa legran gia sin ils 32avels dis da litteratura che han lieu dals 3 fin als 5 da november 2023 a Domat.

Ils 30avels Dis da litteratura 2021

Suenter in viadi detur han ils Dis da litteratura 2021 puspè lieu en sala Tircal a Domat: dals 5 enfin ils 7 da november 2021.

 

giud via

Nua via? Betg be nus essan sin via, mabain era la litteratura rumantscha: ella avra vias, enchamina straduns da bellezza e streglias stgiras, enconuscha vias pulainas e stat savens al spartavias. Adina puspè va ella giud via e sa metta cun gust sin ils fastizs dal nunenconuschent, da l’invisibel, da l’emblidà. Tge tschertga e scuvra ella giud via?

Pervia da la pandemia vegn desistì da la tschaina e dal program da sonda saira.

 

https://www.disdalitteratura.ch/

 

30avels Dis da Litteratura spustads!

Causa la situaziun coronarica ha il comité dals Dis da Litteratura decidì da spustar l’ediziun giubilara sin l’onn 2021; ils 30avels Dis da Litteratura han damai lieu dals 5 als 7 da november 2021, sco adina en la halla Tircal a Domat. Unicamain la concurrenza Premi Term Bel vegn realisada gia quest onn, en furma digitala. Dapli infos suondan.

Motto dals DDL 2019: Tranter Lingias

lls 28avels Dis da litteratura han il motto tranter lingias ed èn dals 2 fin ils 4 da november 2018 a Domat.

Els sa deditgeschan al pled u meglier ditg al spazi tranter ils pleds. Tge è tranter (las) lingias? Tge capita en quest lieu? Igl è il spazi nua che l’autura e l’autur protegian la tensiun, la melodia, il messadi zuppà, forsa era critica e tabus.

La litteratura viva da tals spazis. Els èn in segund plaun da communicaziun. La lectura ed il lectur vegnan animads da reflectar, d’interpretar e d’udir trantertuns. Per exempel cun agid da metafras, allusiuns ed ironia. È l’essenza, la vaira muntada forsa be da chattar tranter lingias?

 

Dapli.

DDL 2017

Ils 27avels (gieus) da litteratura han gì lieu sut il motto «Gieus da Litteratura». Ed ha puspè ina giada mussà: La scena litterara rumantscha è viva. Era quest onn era la glista dad auturas ed artists empermettenta: Manuel Stahlberger, Chatrina Josty, Jürg Gautschi, Flurin Jecker, Pascal Gamboni, Dumenic Andry, Mario Pacchioli e blers auters.

Dapli infos sur dals DDL 2017 tar RTR.

DDL 2017

En posiziun! Pront! Dai!

Gizzai vossas plimas, stgaudai la vusch: ils Dis da litteratura 2017 revitaliseschan «La pagina», la prelecziun per in e scadina!

Quest onn stattan ils Dis da litteratura sut il motto «gieu da litteratura»: la litteratura duai esser in act collectiv, nua ch’il barat immediat tranter autura, lectur ed auditura daventa la regla numer 1.

«La pagina» n’è nagina concurrenza da scriver, ella è ina plattafurma per scriver e preleger texts litterars. Mintgin dastga empruvar qua sia fortuna, ed i na dat nagina giuria, nagin premi e nagina discussiun.

Las cundiziuns per far part èn: in text rumantsch scrit sez e nunpublitgà da max. ina pagina A4 en furma d’in dialog a la SMS u whatsapp che cuntegna la frasa «En posiziun! Pront! Dai!»

Il text sto vegnir inoltrà fin ils 03-11-2017 a las 15:00 per mail: info@disdalitteratura.ch. La prelecziun è la sonda, ils 04-11-2017 a las 13:30 en il foyer. Mintga auturA survegn in’entrada gratuita per la sonda.

Nus ans legrain sin voss texts;-)

 

DDL 2015

CUNTRABANDA. Passagis e barrieras sin via d’ina lingua a l’autra

Ils 25avels Dis da litteratura 2015 dals 6 als 8 da november en la sala polivalenta Tircal a Domat.

Il program detaglià (en furma da leporello) chattais qua. (flyer, pagina da facebook)

Il dossier da RTR chattais qua.

Venderdi, ils 6-11-2015

20.00 Avertura

20.15 Poetry slam da cuntrabanda. Cun slammers svizzers, rappers rumantschs e participants curaschus.

22.30 Bar litterara

Sonda, ils 7-11-2015

9.00-11.45 In avantmezdi cun prelecziuns, vernissaschas ed il Tavulin litterar.

13.00-18.00 In suentermezdi cun preschentaziuns, prelecziuns ed il gieu da scriver //translaziun.google.ch, moderà ed animà da Flurin Caviezel.

18.00 Tschaina cuntrabandistica

20.00-01.00 25 onns Dis da litteratura! Sairada da giubileum cuntrabandistica cun discussiun e musica da saut da Quintinò

22.30 Bar litterara

Dumengia, ils 8-11-2015

9.00–14.30 In avantmezdi cun prelecziuns, preschentaziuns, apéritivs, ina premiera da film exclusiva ed in cabaret da e cun Jürg Kienberger e Claudia Carigiet. (dapli infurmaziuns sut quest link)