Litteratura 38 MAR

«Mumma e mar, quei s’udeva ensemen. Nus tuts vegnin ord la mumma e mein ella mar», scriva Leo Tuor en ses text deditgà a la mar. Però betg mo l’autur sursilvan, anc ulteriurs auturs ed auturas èn sa laschads inspirar dal tema «mar». Gea, tschertins han perfin influenzà in l’auter: per exempel ha in text da Martin Cantieni inspirà Romana Ganzoni che n’aveva anc mai pensà ad ina mar feminina. Mario Pult è sa laschà inspirar dal grond Albert Camus e dals gronds titels da reclama per vacanzas al mar.

UlteriurAs auturAs dal numer 38 èn p.ex. Viola Cadruvi, Iso Camartin, Nina Dazzi, Ursicin G.G. Derungs, Felix Giger, Bettina Secchi-Fluor, Arnold Spescha e Benedetto Vigne.

En la retscha Litteratura cumpara dapi passa 30 onns regularmain in tom cun novs texts rumantschs (prosa curta fictiva, essais, lirica, translaziuns). Questa ediziun nr. 38 sa deditgescha a la mar. Reflexiuns davart la correlaziun tranter l’uman muntagnard e sia relaziun cun la mar, excurs davart monsters marins u era poesias e texts curts inspirads da e deditgads a la mar. Sper il tema principal cuntegna la Litteratura 38 era texts naschids en il lavuratori da scriver (cun il tema «Exercices de style») ed ulteriurs texts, sco quels dal Premi Term Bel 2018 ed era recensiuns da divers cudeschs rumantschs cumparids en il decurs da l’onn. La revista è illustrada cun maletgs da Sarah Clavadetscher.
–––

Diese Ausgabe Nr. 38 der Litteratura – die jährliche Publikation mit neuen rätoromanischen Texten – widmet sich dem Thema «MEER». Verschiedene Autorinnen und Autoren beschäftigen sich in Essays, Gedichten, Kurzprosa mit diesem, aber auch mit anderen Themen (u.a. Buchrezensionen und die Finaltexte des rätormanischen Literaturwettbewerbs Premi Term Bel).

 

MAR
Litteratura 38
Prosa, lirica, essais, recensiuns
idioms, RG, spagnol, franzos
october 2019
138 paginas, illustrà
frs. 20.00

ISSN 1016–9458
Uniun per la Litteratura Rumantscha, Cuira

Silvana Derungs
Eggerstrasse 16
7000 Cuiratel.: 081 534 74 09 / 078 736 09 14

Punct dubel al giubileum da 100 onns LR

Il punct dubel è hosp al giubileum da 100 onns da la Lia Rumantscha a Zuoz! Da las 15.45 – 16.30 sin Tribuna gronda!

 

Dominique Dosch e Leo Tuor prelegian divers da lur texts e discutan davart il scriver. L’occurrenza vegn moderada dad Anita Capaul. Il format “punct dubel” è ina collavuraziun tranter L’Uniun per litteratura rumantscha e la Chasa Editura Rumantscha cun l’intenziun da reunir dus scripturs da duas differentas regiuns.

Uras: 15.45 – 16.30
Lieu: Tribuna gronda
Lingua: Rumantsch
Partenarias: Uniun per la litteratura rumantscha, Chasa Editura Rumantscha

Dapli infurmaziuns tar il di tematic da litteratura al giubileum da 100 onns qua.

Litteratura 37: meds e messadis

Litteratura 37: meds e messadis

En la retscha Litteratura cumpara dapi passa 30 onns regularmain in tom cun novs texts rumantschs (prosa curta fictiva, essais, lirica, translaziuns). Questa ediziun nr. 37, sut la redacziun da Silvana Derungs, Flavia Hobi e Benedetto Vigne, sa deditgescha a meds e messadis. Reflexiuns davart la correlaziun tranter ils cuntegns dals texts e la furma dal text, il med da transport dal text, èn tema principal da questa ediziun. En moda anecdotica, prosaica, ludica sa deditgeschan auturas ed auturs al tema da messadis e da meds (da communicaziun). Sper il tema principal cuntegna la Litteratura 37 era texts naschids en il lavuratori da scriver (cun il tema „Ditgas ier, oz e damaun“) ed ulteriurs texts, sco quels or da plimas giuvnas u er ina regurdientscha a l’autur defunct Jon Nuotclà. Auturas ed auturs dal numer 37 èn tranter auter Flurina Badel, Maria Cadruvi, Iso Camartin, Theo Candinas, Dominique Dosch, Hubert Giger, Fadrina Hofmann, Göri Klainguti, Viola Pfeiffer, Benedetto Vigne ed auters. La revista è illustrada cun maletgs da Donat Caduff.

Diese Ausgabe Nr. 37 der Litteratura – die jährliche Publikation mit neuen rätoromanischen Texten – widmet sich dem Thema „Medium und Nachricht“. Verschiedene Autorinnen und Autoren beschäftigen sich in Essays, Gedichten, Kurzprosa mit diesem, aber auch mit anderen Themen.

 

Empustaziun qua.

 

Meds e messadis
Litteratura 37
Prosa, lirica, essais
idioms, RG, tudestg
october 2018
158 paginas, illustrà
frs. 20.00

ISSN 1016–9458
Uniun per la Litteratura Rumantscha, Cuira

Motto dals DDL 2019: Tranter Lingias

lls 28avels Dis da litteratura han il motto tranter lingias ed èn dals 2 fin ils 4 da november 2018 a Domat.

Els sa deditgeschan al pled u meglier ditg al spazi tranter ils pleds. Tge è tranter (las) lingias? Tge capita en quest lieu? Igl è il spazi nua che l’autura e l’autur protegian la tensiun, la melodia, il messadi zuppà, forsa era critica e tabus.

La litteratura viva da tals spazis. Els èn in segund plaun da communicaziun. La lectura ed il lectur vegnan animads da reflectar, d’interpretar e d’udir trantertuns. Per exempel cun agid da metafras, allusiuns ed ironia. È l’essenza, la vaira muntada forsa be da chattar tranter lingias?

 

Dapli.

DDL 2017

Ils 27avels (gieus) da litteratura han gì lieu sut il motto «Gieus da Litteratura». Ed ha puspè ina giada mussà: La scena litterara rumantscha è viva. Era quest onn era la glista dad auturas ed artists empermettenta: Manuel Stahlberger, Chatrina Josty, Jürg Gautschi, Flurin Jecker, Pascal Gamboni, Dumenic Andry, Mario Pacchioli e blers auters.

Dapli infos sur dals DDL 2017 tar RTR.