bainvegni

La litteratura accumpogna, admira, arda, arva, annunzia, augmenta, batta, brischa, bergla, ballontscha, buorla, scutina, capeta, unescha, carga, caschuna, cuschina, carmala, careza, cloma, confronta, conserva, consenta, consolescha, construescha, conquista, cuarcla, capescha, cuosta, dependa, demuossa, descriva, dessignescha, destruescha, di, discussiunescha, disgusta, dispona, distingua, dubeta, dependa, dola, sedosta, embellescha, empara, empermetta, encuera, encurascha, enferla, engarscha, engrava, enrama, excloma, emetta, paleisa, partegn, peila, perdegia, protesta, permetta, perschuada, peisa, pecla, plai, pretenda, promova, prosperescha, posta, raffinescha, rapportescha, raquenta, rebatta, regorda, relata, renconuscha, repeta, rimna, rampuna, rampluna, salida, saulta, saltrogna, satiua, savetscha, sbaruffa, sbletschrogna, sbarbuta, sbuorsa, scalcrogna, scaulda, scola, scumbeglia, scumpara, scongiura, scorsa, scarvuna, scuviera, skizzescha, slontscha, slogna, slavuna, smarveglia, spera, splauna, splendura, sposta, storscha, streha, strocla, sturnicla, suonda, suera, sublima, succeda, suppona, surfa, surmeina, surri, surtrai, suttastreha, sviluppescha, tarlahescha, tegn, teidla, teissa, terminescha, tgagia, tracta, transformescha, traversa, trai, trumpescha, tuorna, truscha, ova, ueglia, undrescha, unscha, uorla, velescha, vesa, zaccogna, zambregia, viva

l’uniun

Actual: radunanza generala 2018

La radunanza generala da la ULR ha lieu ils 28 d’avrigl 2018 da las 10.15 en Chasa Rumantscha a Cuira (Via da la Plessur 7).

Il rapport annual dal onn passà chatt’ins qua:

rg2017_protocol

Suentermezdi datti in referat da la scientista da cultura e litteratura Elisabeth Bronfen. L’entrada e libra, ed era betg-commembers èn bainvegni.

Intent e profil

L’intent principal da la ULR è la promoziun integrala da la litteratura rumantscha davent dal lectorat professiunal enfin a la vendita da cudeschs.

a ULR s’engascha spezialmain

per ina chasa editura rumantscha
per realisar ils Dis da litteratura
per edir la revista Litteratura
per porscher in lectorat ad auturas ed auturs
per sustegnair prelecziuns

Purschida

Commembras e commembers da la ULR sustegnan cun lur contribuziun annuala las activitads da l’uniun per la promoziun dalla litteratura rumantscha

La ULR porscha ultra da quai

mintg’onn nossa revista Litteratura gratuitamain en chasa
invitaziun als Dis da Litteratura
entrada reducida sin il pass general dals Dis da litteratura
infurmaziun davart novas publicaziuns ed acziuns litteraras
sustegn per prelecziuns e lectorats (formulars giusut)
sustegn tar dumondas litteraras

Daventar commember da l’ULR

Commembers pajan CHF 80.- ad onn (studentAs CHF 40.-) e sustegnan l’engaschi per il sustegn e la promoziun da la litteratura rumantscha. Cumpigliada en il commembradi è la revista „Litteratura“ che cumpara ina giada l’onn. Dapli da la „Litteratura“ qua.

Per daventar commember per plaschair scriver in curt e-mail cun il chavazzin „daventar commember da l’ULR“ e num ed adressa a litteratura@gmx.ch.

La suprastanza da la Uniun per la Litteratura Rumantscha

L’Uniun per la Litteratura Rumantscha vegn presidiada da Viola Nesa Pfeiffer. La Radunanza Generala dals 29 d’avrigl 2017 l’ha elegida ed ultra da quai confermà en suprastanza Benedetto Vigne (cassier), sco era Flavia Hobi e Walter Rosselli.

La suprastanza da l’Uniun per litteratura rumantscha 2017: Walter Rosseli, Flavia Hobi, Dumenic Andri (partent) Benedetto Vigne e Viola Pfeiffer (da san.).